पुरंदर रिपोर्टर Live
शिरूर | प्रतिनिधी
गणेगाव दुमाला (ता. शिरूर) येथील शेतकऱ्याने वित्तीय संस्थांमध्ये कर्जासाठी अर्ज केल्यानंतर त्याच्याशेतीवर परस्पर ६५ लाख रुपयांचे कर्ज काढल्याचा प्रकार समोर आला आहे. धक्कादायक बाब म्हणजे, कर्ज थकवल्याने जमिनीवर जप्तीची नोटीस थेट शेतकऱ्याला आल्याने या अपहाराचा भांडाफोड झालाआहे. याप्रकरणी माजी आमदार अशोक कोंडीबा टेकवडे यांच्यासह दहाजणांविरुद्ध शिरुर पोलिसात गुन्हा दाखल करण्यात आला आहे. यामुळे पुणे जिल्ह्यात एकच खळबळउडाली आहे.
माजी आमदार अशोक कोंडीबा टेकवडे, दिलीप नारायण वाल्हेकर, बाळासाहेब काळे, अजिंक्य अशोकटेकवडे, विजया अशोक टेकवडे, दिनेश श्रीकांत घोणे, भूषण सुभाष गायकवाड, सतीश महादेव जाधव, प्रदीप दिगंबर जगताप, गणेश अंकुश जगताप (सर्व रा. सासवड, ता. पुरंदर, जि. पुणे) असे गुन्हा दाखलकरण्यात आलेल्यांची नावे आहेत. याप्रकरणी सचिन बाळासाहेब गरुड (रा. गणेगाव दुमाला ता. शिरुरजि. पुणे) यांनी शिरुर पोलीस ठाण्यात फिर्याद दिली.
पोलिसांनी दिलेल्या माहितीनुसार, फिर्यादी सचिन गरुड यांनी व्यवसाय विस्तारासाठी सन 2019 मध्येसासवड येथील अजित मल्टीस्टेट को-ऑप क्रेडिट सोसायटी सासवड व अजित नागरी सहकारीपतसंस्थेत कर्जासाठी अर्ज केला होता. या संस्थांनी त्यांची शेतीजमीन गहाण ठेवून आवश्यक कागदपत्रेघेतली. दरम्यान, वेळोवेळी टाळाटाळ करत असताना दोन्ही संस्थांकडून एकूण 65 लाखांचे कर्ज मंजूरकरून जमिनीवर बोजा टाकण्यात आला. मात्र, मंजूर झालेले कर्ज कर्जदाराला न देता संबंधित संस्थांचेसंस्थापक, संचालक व व्यवस्थापक यांनी संगनमताने ती रक्कम स्वतःच्या खात्यात वळवून घेतले.
दरम्यान, सन 2023 मध्ये कर्ज थकल्याने जमीन जप्तीची नोटीस आल्यानंतर गरुड यांनी तहसीलदारकार्यालयात चौकशी केली असता हा प्रकार त्यांच्या लक्षात आला. त्यानंतर त्यांनी न्यायालयात दादमागितली. सुनावणीदरम्यान न्यायालयाने शिरुर पोलिसांना संबंधित आरोपींवर गुन्हा दाखल करण्याचेआदेश दिले. या प्रकरणाचा पुढील तपास पोलीस उपनिरीक्षक रमेश कदम करत आहेत
0 Comments